Ko‘p SEOchilar validator.w3.org’dan xatolarni olib, dasturchiga ro‘yxatini yuboradi: “Mana, hammasini tuzat!”
Bu — noto‘g‘ri yondashuv. Ayniqsa, Labrika servisidan 1000 dan ortiq xatoni “kritik” deb chiqarib, developerga tashlab yuborish — ish emas, bu jinnilik.
Dasturchilar bunday vazifalardan charchagan. Chunki bu xatolarning 90% qismi sayt ishlashiga va Google tushunishiga umuman ta’sir qilmaydi. Lekin ular “kritik xato” deb yoziladi, xolos.
❗ Nima qilish kerak?
✅ Faqat semantikaga ta’sir qiladigan xatolarni tuzatish kerak. Ya’ni:
• <article>, <nav>, <main> kabi teglar noto‘g‘ri bo‘lsa
• <h1> yo‘q yoki noto‘g‘ri ishlatilgan bo‘lsa
• Tushunarli tuzilma buzilgan bo‘lsa
Buni qanday aniqlaysiz?
1. validator.w3.org saytiga kirib, sahifa kodini tekshirasiz.
2. Xatolar ro‘yxatini va sayt HTML kodini AI (ChatGPT) ga berasiz.
3. So‘raysiz: “Faqat semantik xatolarni ajratib ber. Har biriga noto‘g‘ri kod va qanday tuzatish kerakligini yozib chiq.”
Natijada siz:
• Developerga aniq va tushunarli TЗ berasiz
• Vaqtni tejaysiz
• HTML xatolarni rostdan ham foydali tarzda to‘g‘rilaysiz
Har bir xatoni emas, ahamiyatlisini tuzating. Google-ning saytni qanday “o‘qishi” muhim. Shunchaki “0 xato” uchun emas, ma’noli tuzilma uchun harakat qiling.
P.s: Saytingizni SEO bilan jonlantiring!
